Murali gjigant në Mitrovicë mahnit artistin amerikan: Do doja të isha afër e t’ju përqafoja

Një ndër kitaristët më të famshëm në botë, Joe Satriani, është shprehur i mahnitur dhe thellësisht i prekur nga një mural gjigant i realizuar në Mitrovicën e Veriut. Përmes një postimi në rrjetin social Facebook, Satriani ka ndarë me ndjekësit e tij disa fotografi të muralit shumëngjyrësh, ku është portretizuar ai vetë, duke falënderuar artistët që e kanë realizuar këtë vepër arti. "Jam shumë i përulur dhe i nderuar nga kjo vepër e mrekullueshme arti! Falënderime nga zemra për artistët e “Futja Ngjyrë”, Dea Gaxha, Bardhyl Dobroshi dhe Albion Mehmedi për këtë mural mahnitës në Mitrovicë të Veriut. “Do doja shumë të isha atje ta shihja nga afër dhe t’ju përqafoja të gjithëve. Faleminderit”, ka shkruar tutje ai./Klankosova.tv