Mungesa e ujit të pastër po shkakton përhapjen e sëmundjeve në Gaza, thotë OKB-ja

Sëmundjet që vijnë nga uji po përhapen në Gaza për shkak të mungesës së ujit të pastër dhe rritjes së temperaturave, tha të premten koordinatori humanitar i Kombeve të Bashkuara në Gaza, Jamie McGoldrick.

"Po bëhet shumë nxehtë atje”, u tha McGoldrick gazetarëve përmes një lidhjeje video nga Jerusalemi, shkruan Skynews, transmeton Klankosova.tv.

“Njerëzit po marrin shumë më pak ujë sesa kanë nevojë dhe si rrjedhojë, ka pasur sëmundje të shkaktuara nga uji për shkak të mungesës së ujit të sigurt dhe të pastër dhe ndërprerjes së sistemeve sanitare”.

"Ne duhet të gjejmë një mënyrë në muajt në vazhdim se si mund të kemi një furnizim më të mirë me ujë në zonat ku aktualisht janë të mbushur me njerëz në këtë moment," tha ai.

Sipas Organizatës Botërore të Shëndetësisë (OBSH) uji i kontaminuar dhe kanalizimi i dobët janë të lidhura me sëmundje të tilla si kolera, diarreja, dizenteria dhe hepatiti A.

Që nga mesi i tetorit, OBSH ka regjistruar më shumë se 345,000 raste të diarresë, duke përfshirë më shumë se 105,000 në fëmijët nën pesë vjeç.