"Mungesa e dashurisë në familje, rrit rrezikun për lidhje të dobëta", fenomeni i tradhtisë në Gjeneratën Z (VIDEO)

Në emisionin “Weekend” në Klan Kosova është diskutuar një temë që po ngjall debat të gjerë në shoqëri, fenomeni i tradhtisë dhe perceptimi i tij te Gjenerata Z.

Psikologu Blerim Hakaj theksoi rëndësinë e dashurisë dhe përkujdesjes në familje, duke lidhur mungesën e tyre me mënyrën se si të rinjtë ndërtojnë marrëdhënie.

“Kur një fëmijë nuk rritet me dashurinë e një burri, sa t’ia bëjë një kompliment dikush, ajo mund të dorëzohet më lehtë”, u shpreh ai.

Ndërkohë, Behije Lusha kritikoi mesazhet që, sipas saj, po jepen në media, duke kërkuar më shumë përgjegjësi publike.

“Kur je në TV duhet me dhanë një mesazh të mirë. Fjala dashni nuk përfshin vetëm partnerin, por edhe familjen dhe njerëzit e afërt”, tha ajo.

Në anën tjetër, Antigona Kotorri solli një këndvështrim më liberal, duke theksuar të drejtën për vetë-zbulim dhe vendimmarrje personale në marrëdhënie.

“Një vajzë ka të drejtë të thotë ‘s’po e du më’ dhe të eksplorojë veten. Shpesh frika nga gjykimi na pengon të provojmë gjëra të reja”, u shpreh ajo.