Mourinho zbarkon në Lisbonë, këto janë fjalët e para pas kthimit te Benfica

José Mourinho ka zbarkuar sot në Lisbonë për të nisur një aventurë të re në stolin e Benficës. Në aeroportin e Tires, tekniku portugez u prit me shumë entuziazëm nga tifozët dhe gazetarët, të cilët mezi prisnin fjalët e para të “Special One”. I emocionuar, Mourinho deklaroi: “Nuk e kam menduar dy herë. Benfica është një klub i madh dhe një sfidë që e kam pritur me dëshirë.” 62-vjeçari, i cili së fundmi drejtoi Fenerbahçen në Superligën turke, rikthehet kështu në vendlindje pas një karriere të gjatë në klubet më të njohura të Evropës si Chelsea, Inter, Real Madrid, Manchester United, Tottenham e Roma, transmeton Klankosova.tv. Benfica, që kërkon të rikthejë shkëlqimin si në kampionat ashtu edhe në arenën europiane, beson se përvoja dhe karizma e Mourinho-s janë garancia e duhur për sukses. Presidenti i klubit theksoi se ardhja e tij është “një mesazh i fortë për të gjithë rivalët, se Benfica synon trofetë më të mëdhenj”. Në ditët në vijim pritet prezantimi zyrtar i Mourinho-s në stadiumin “Da Luz”, ku pritet një atmosferë madhështore me mijëra tifozë. Detajet e kontratës do të bëhen publike me prezantimin, por tashmë është e sigurt: rikthimi i tij në Portugali shënon një nga ngjarjet më të rëndësishme të futbollit iberik në vitet e fundit.