Motrat siameze që nuk duan të ndahen (FOTO)

Shumë motra binjake janë të afërta, ndajnë gjithçka nga rrobat e trupit e deri te sekretet më të fshehta. Mirëpo shtatë vjeçare Pun dhe Pan, janë literalisht të pandashme, pasi që ato janë të bashkuara në kuka dhe i ndajnë dy këmbë në mes tyre, dhe i përdorin duart për t’i ndihmuar vetes të ecin. Binjaket e ngjitura janë nga Tajlanda. Ato kanë lindur me dy koka, kanë dy krahë e dy këmbë dhe ndajnë të njëjtat gjymtyrë. Pin ka kontroll mbi njërën këmbë, ndërsa pan tjetrën dhe ato kanë mësuar të ecin, të vishen, të hanë e madje të vozisin një biçikletë. Doktorët u kanë dhënë mundësinë motrave që të ndahen, mirëpo lidhja e tyre është aq e fortë sa të dyja binjaket duan të rrinë bashkë gjithmonë. Mënyra se si këto binjake janë të bashkuara, është shumë e rrallë. Një gjë e tillë ndodh 1 herë në 2.5 milionë lindje. “Atyre iu pëlqen të këndojnë, të hanë akullore dhe ta ndihmojnë njëra tjetrën të vishet”, ka  thënë gjyshja e tyre, shkruan Daily Mail, transmeton Klan Kosova. Edhe  pse ato janë të bashkuara në trup, personalitetet e tyre janë krejt ndryshe. Njëra pëlqen t’i ketë flokët e shkurtra, kurse tjetra të gjata. Po ashtu ato pëlqejnë ushqime të ndryshme.