Motrat e Cristiano Ronaldos dhanë një përgjigje të ashpër ndaj valës së kritikave që goditën superyllin portugez pas vizitës së tij në Shtëpinë e Bardhë dhe takimit me Presidentin e ShBA-së Donald Trump.
Ronaldo ishte i ftuar në një darkë zyrtare të organizuar në nder të Princit të Kurorës së Arabisë Saudite, Mohammed bin Salman, e cila shkaktoi debat të nxehtë në internet, transmeton Klanksoova.tv
Kjo ngjarje shënoi paraqitjen e parë publike të sulmuesit të Al-Nassr në SHBA që nga viti 2016, dhe gjatë darkës, Trump falënderoi Ronaldon, duke vënë në dukje se djali i tij Barron ka qenë prej kohësh një tifoz i futbollistit.
Megjithatë, jo të gjithë e miratuan pjesëmarrjen e Ronaldos në darkën zyrtare.
Në rrjetet sociale, ai u akuzua se kishte zgjedhur shoqërinë e gabuar, por motrat e tij Elma dhe Katia Aveiro i dolën shpejt në mbrojtje.
Elma postoi në Instagram, duke deklaruar se kritika është e pakuptimtë sepse Ronaldos absolutisht nuk i intereson mendimi i kritikuesve.
Në një video, Katia vuri në dukje se ajo që ishte thjesht një udhëtim i rregullt pune shkaktoi në një farë mënyre një shpërthim emocional nga urrejtësit, duke e krahasuar reagimin e tyre me një tërbim.
Përveç kësaj, verën e ardhshme Ronaldo do të kthehet në ShBA kur të mbërrijë ekipi kombëtar i Portugalisë për Kupën e Botës.
Sipas vetë Cristianos, Kupa e Botës 2026 do të jetë kapitulli i fundit i karrierës së tij legjendare me ekipin kombëtar. /Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek sport dhe zhvillimet e tjera kryesore të vendit.
