Moti i lig shkakton dëme në Shkodër, pemë të thyera mbi makina (FOTO)

Disa zona të Shkodrës janë dëmtuar nga moti i lig i mbrëmjes së të martës.

Dëmet kanë qenë kryesisht në kulturat bujqësore por edhe ne thyerjen e pemëve për shkak të erës së fortë. Situata më problematike është shënuar në Velipojë ku në rrugën nr. 5 si rezultat i erës së fortë janë rrëzuar disa pemë, të cilët kanë zënë edhe dy automjete ku fatmirësisht nuk ka pasur të lënduar. Në mëngjes është bërë i mundur pastrimi i këtij segmenti rrugor pas ndërhyrjes së forcave zjarrfikëse dhe punonjësve të Bashkisë Shkodër, raporton Lapsi.al, transmeton Klan Kosova.