Mosha kur njerëzit shpenzojnë më shumë

A e dini se në çfarë moshe njerëzit shpenzojnë më shumë para? Kompania ClearScore bëri një studim ku intervistuan 3,000 njerëz dhe një pjesë e mirë e njerëzve kishin shpenzuar më shumë para në të njëjtën moshë, 31 vjeç. Çdo vit mund të duket i shtrenjtë dhe më i shtrenjtë se viti paraardhës. Kjo pasi njerëzve u duhet të përballojnë çmimet gjithnjë e në rritje të qirave, rritjen e inflacionit të produkteve ushqimore përfshirë dhe koston e jetesës. Por studimi zbuloi se një britanik mesatar, shpenzon më shumë se 43 000 £ për të mbuluar të gjitha shpenzimet e moshës 31-vjeçare. Për të arritur në këtë përfundim 3 000 njerëz u pyetën për të treguar gjërat për të cilat kanë shpenzuar më shumë në jetën e tyre. Nga përgjigjet u zbulua se shpenzimet më të mëdha janë bërë pikërisht në moshën 31-vjeçare. E gjitha pasi kjo moshë përfshin disa momente që tentojnë të tkurrin trasësinë e portofolit tuaj. Janë të paktën 4 faktorë që ndikojnë në këtë fakt: -Pagesa e martëses 27% -Blerja e një shtëpie 48% -Të kesh një fëmijë 20% -Të bësh muaj mjalti 14% Mënyra më e zakonshme për të paguar të gjitha këto shpenzime të këtij viti të shtrenjtë të jetës janë kursimet, por ka edhe nga ata që preferojnë të marrin kredi në bankë. Prandaj nëse ende nuk e keni arritur këtë vit të jetës suaj, studiuesit këshillojnë nisjen e kursimeve./albinfo.ch.