"Mos e përmend kaq shpesh Kosovën sepse nuk është Miami", Zhegrova tregon se çka i thonë lojtarët e Lille

Reprezentuesi i Kosovës, Edon Zhegrova ka zbuluar se në Francë gjithmonë flet për Kosovën.

Në emisionin “Oxygen”, ai bëri të ditur se lojtarët e Lille madje i kanë kërkuar që të mos e përmend kaq shumë Kosovën.

“Kur jam në Lille, lojtarëve jau përmendi Kosovës, Kosova, Kosova, ata me thonë boll mo se s’është Miami a LA. Ata më thanë sa herë të përmend Kosovën 5 euro i ke. Ata i kam ftuar me ardhë, këtë verë besoj do të vinë”, tha Zhegrova.

Tutje, Zhegrova bëri të ditur se ai është gjithmonë i motivuar për ndeshjet me Kosovën.

“Kam motiv gjithmonë me ardhë me lujtë për Kombëtaren, nuk ndalem derisa të kualifikohemi në Evropian, a në Botëror”, tha tutje ai.

Zhegrova ndër tjerash bëri të ditur se në sezonin e ardhshëm nuk do të jetë pjesë e Lille.