Monografia “Esat Bicurri në përjetësi” e autorit Krenar Doli promovohet sot në Prishtinë

Promovimi i monografisë “Esat Bicurri në përjetësi” me autor Krenar Doli, do të bëhet sot me fillim nga ora 19:00, në Kino ABC në Prishtinë. Ky botimin, vjen i plotësuar me fakte shteruese, faksimile, dokumente dhe materiale të ndryshme, të cilat e pasurojnë edhe më tej figurën e këtij personaliteti të veçantë të kulturës sonë muzikore shqiptare, transmeton klankosova.tv. Për monografinë “Esat Bicurri në përjetësi” do të flasin Bekim Ramadani dhe Durim Abdullahu, ndërsa me pika artistike do të paraqiten: Jahja Shehu dhe Kuarteti Harkor nga Filharmonia e Kosovës. Ndryshe, etnomuzikologu Krenar Doli në vitin 2023 ka përgatitur dokumentarin e titulluar “Esat Bicurri në përjetësi”, i cili ka sjell portretin jetësor të Esat Bicurrit në tinguj dhe fjalë. Esat Bicurri vazhdon të mbetet një ndër këngëtarët më të dashur për publikun, këngët e të cilit vazhdojnë të dëgjohen dhe vlerësohen ende. Ai, gjithashtu ka botuar dy libra “Një këllëf me ar ta çova” dhe “Ahengjet Gjakovare në shekuj”./Klankosova.tv