Mitrovica mban garat e recituesve të rinj

Organizuar nga Drejtoria për Kulturë, Rini dhe Sport e Komunës së Mitrovicës, të martën në Qendrën e Kulturës ''Rexhep Mitrovica'',  janë mbajtur garat e recituesve të nxënësve të shkollave fillore dhe të mesme të  kësaj Komune. Të pranishëm në këtë ngjarje të rëndësishme  ishin kryetari i Komunës Agim Bahtiri, kryesuesi i Kuvendit Bislim Imeri, nënkryetari Faruk Mujka, drejtori i Drejtorisë së Arsimit,  Skender Avdiu, drejtori i DKRS-së, Fidan Ademi, nxënësit e shkollave, prindërit e tyre dhe drejtorët e shkollave, njofton Klan Kosova. Pasi i përshëndeti garuesit, nxënësit  dhe të pranishmit,  kryetari Bahtiri, tha se duke pas parasysh rëndësinë e aktiviteteve kulturore që kanë për nxënësit, komuna i ka mbështetur materialisht garat dhe këtë do ta bëjë edhe në të ardhmen. Ai po ashtu ju uroi suksese garuesve dhe nxënësve tjerë dhe arsimtarëve. Për të marrë pjesë në gara ishin paraqitur gjithsej 32 recitues, të cilët i vlerësoi juria profesionale, njofton Klan Kosova. Vendin e parë e fitoi nxënësja Rozafa Hajrizi nga shkolla ''Ismail Qemaili'', vendin e dytë, Besiana Selmani nga shkolla ''Abdullah Shaban'', ndërsa vendin e tretë Agnesa Aliu nga shkolla fillore ''Migjeni''.