Mitet mjekësore: Gjithçka rreth kancerit të mushkërive

Sipas Qendrave për Kontrollin dhe Parandalimin e Sëmundjeve (CDC), në vitin 2018, kishte 218 mijë e 520 raste të reja të kancerit të mushkërive dhe 142 mijë e 80 vdekje të lidhura me këtë në Shtetet e Bashkuara. Në nivel global, në vitin 2020, kanceri i mushkërive ishte kanceri i dytë më i zakonshëm pas kancerit të gjirit, me 2.21 milionë raste dhe përgjegjës për 1.8 milionë vdekje. Megjithëse i përhapur, kanceri i mushkërive zakonisht keqkuptohet. Për të ndihmuar në arritjen e së vërtetës së çështjes, iu kërkua ndihmë Dr. Fred R. Hirsch, drejtor ekzekutiv i Qendrës së Ekselencës për Onkologjinë Torakale në Institutin e Kancerit në Nju Jork, përcjell Klankosova.tv Vetëm duhanpirësit zhvillojnë kancer në mushkëri Siç shpjegoi Dr. Hirsch për Medical News Today, "Kjo nuk është e saktë dhe për fat të keq, është një mit shumë lëndues dhe shkakton stigmë". Sipas CDC, rreth 10-20 përqind e njerëzve me kancer të mushkërive në ShBA nuk kanë pirë kurrë duhan ose kanë pirë më pak se 100 cigare në jetën e tyre. Çdo vit, rreth 7 mijë e 300 vdekje nga kanceri i mushkërive në mesin e jo duhanpirësve janë nga tymi i dorës së dytë. Vetëm të moshuarit zhvillojnë kancer të mushkërive "Jo, kjo nuk është e vërtetë”, tha Dr. Hirsch. Megjithëse më shumë se gjysma e njerëzve të diagnostikuar me kancer të mushkërive janë më të vjetër se 65 vjeç. Gjithnjë e më shumë individë më të rinj nën moshën 50 vjeç po preken nga kanceri i mushkërive, veçanërisht gratë. Të jetosh në një qytet të ndotur është më keq se pirja e duhanit për rrezikun e kancerit të mushkërive Ka prova të mira që ndotja e gjeneruar nga trafiku rrit rrezikun e kancerit të mushkërive. Megjithatë, krahasimet midis ndotjes dhe pirjes së duhanit janë më të vështira për t'u bërë. Të jetosh në qytete të ndotura është një faktor rreziku, por askush nuk e di me siguri nëse është më keq se përdorimi i produkteve të duhanit dhe kombinimi mund të jetë edhe më i keq. ‘Kam pirë duhan prej vitesh, nuk ka kuptim të ndalem tani’ E thënë thjesht, sipas Dr. Hirsch, ndërprerja e duhanit ul ndjeshëm rrezikun e kancerit të mushkërive. Përveç kancerit të mushkërive, ndalimi i pirjes së duhanit gjithashtu zvogëlon rrezikun e zhvillimit të një sërë kushtesh të tjera, duke përfshirë sëmundjet e zemrës, osteoporozën dhe diabetin. Kirurgjia e kancerit të mushkërive bën që kanceri të përhapet "Jo, operacioni i kancerit të mushkërive nuk e bën kancerin e mushkërive të përhapet", tha Dr. Hirsch për MNT. Më pas ai shpjegoi pse është e rëndësishme që të bëhet operacioni i hershëm dhe masat e marra për të parandaluar çdo përhapje. “Nëse do të kisha kancer në mushkëri, do të kisha simptoma” "Për fat të keq, nuk është gjithmonë kështu", shpjegoi Dr. Hirsch. Sipas tij, kanceri i mushkërive mund të zbulohet në raste krejtësisht asimptomatike ose në individë me simptoma të lehta të frymëmarrjes. Ai shpjegoi se kjo është një arsye pse ekzaminimi i kancerit të mushkërive te njerëzit me rrezik të lartë është kaq i rëndësishëm. Ai vuri në dukje se edhe te jo duhanpirësit mund të ketë një avantazh të depistimit, por studimet ende nuk e kanë konfirmuar këtë.