Miratohet nisma për eliminimin e tatimit të dyfishtë Kosovë-Shqipëri

Qeveria ka miratuar nismën e lidhjes së marrëveshjes ndërkombëtare në mes të Kosovës dhe Shqipërisë për eliminimin e tatimit të dyfishtë dhe parandalimin e evazionit fiskal lidhur me tatimin në të hyra dhe kapital. Ministrja e Financave, Hykmete Bajrami ka deklaruar se edhe pse ekziston një marrëveshje e tillë gjatë zbatimit ka pasur ngecje, prandaj edhe ka kërkuar rishikimin e saj, në mënyrë që kur të mbahet mbledhja e qeverive të të dyja vendeve të jenë gati ndryshimet. Ajo ka bërë të ditur se deri më tani janë nënshkruar 16 marrëveshje me shtete të ndryshme sa i përket eliminimit të tatimit të dyfishtë.