Sulmuesi nigerian Victor Boniface ka mbërritur në Milano, ku pritet të kompletojë transferimin e tij te AC Milan, duke u bërë përforcimi i ri i kuqezinjve në repartin ofensiv.
Pas një sezoni të shkëlqyer me Bayer Leverkusen, ku u shqua si një nga golashënuesit më të rrezikshëm të Bundesligës dhe protagonist në triumfin historik të ekipit gjerman, Boniface ka zgjedhur të nisë një aventurë të re në Serie A.
Sulmuesi 23-vjeçar pritet të kryejë vizitat mjekësore gjatë orëve në vijim, ndërsa zyrtarizimi i marrëveshjes me Milanin është vetëm çështje kohe, raporton Klankosova.tv
Klubi kuqezi e sheh atë si përforcimin ideal për të rritur fuqinë e repartit të sulmit, duke i ofruar trajnerit një alternativë eksplozive dhe vendimtare për sezonin e ri./Klankosova.tv
●●●
Shpërndaje këtë artikull
AH
SHKRIMI NGA
Alberta Hyseni
Editorial nga Klan Kosova — ndjek sport dhe zhvillimet e tjera kryesore të vendit.
