Milani nxjerr "dështakun" në ankand për të financuar revolucionin

Christopher Nkunku pritet të largohet nga Milani vetëm një vit pas transferimit të tij nga Chelsea. Ndonëse klubi kuqezi është rrugës për të siguruar rikthimin në Champions League, performanca e francezit (6 gola në 32 ndeshje) nuk ka përmbushur pritshmëritë e drejtuesve të klubit. ​Sipas Gazzetta dello Sport, Milani e ka vlerësuar sulmuesin me 40 milionë euro, duke synuar të rikuperojë investimin prej 37 milionësh të bërë verën e kaluar. Shitja e tij konsiderohet jetike për të financuar blerjen e një sulmuesi qendror më efikas, në një merkato që pritet të sjellë ndryshime të mëdha në "San Siro". /Klankosova.tv