“Meloditë e Mesdheut” rikthejnë sopranon Inva Mula në Amfiteatrin e Durrësit

Në Amfiteatrin Antik të Durrësit, sonte nga ora 20:30 do të zhvillohet koncerti “Meloditë e Mesdheut”, që rikthen pas shumë vitesh në qytetin bregdetar, sopranon Inva Mula një nga emrat më të mëdhenj të operës shqiptare dhe asaj botërore. Koncerti ka në program këngët dhe meloditë më të bukura të Mesdheut. “Meloditë e Mesdheut” do të sjellin në skenën e lashtë, dy artistët e njohur shqiptarë në Itali, vëllezërit Ekland e Redi Hasa. Një tjetër e veçantë është pjesëmarrja e korit të fëmijëve “Okarina”, të cilët vijnë nga Prishtina e që do t’i japin kësaj performance artistike një atmosferë magjike. /Klankosova.tv