Napoli po thuhet se e ka identifikuar Edon Zhegrovën e Lillet si pasardhësin ideal të Khvicha Kvaratskhelias, pasi ylli gjeorgjian shkoi në Paris Saint-Germain në janar.
Gjigantët e “Serie A” edhe më parë kishin shfaqur interesim për sulmuesin kosovar gjatë afatit kalimtar të dimrit, por Lille nuk deshi ta shesë 25-vjeçarin në mes të sezonit.
Megjithatë, Zhegrova raportohet se është i hapur për një transferim, duke bërë me dije se dy klubet potencialisht do t’i vazhdojnë bisedimet për transferim javëve në vijim, ka raportuar media italiane “Corriere dello Sport”.
Edhe menaxheri i Napolit, Antonio Conte thuhet se është në veçanti i interesuar për Zhegrovën, dhe për këtë shkak drejtori sportiv i klubit, Giovanni Manna, po punon aktivisht për arritjen e marrëveshjes.
Lille pritet të kërkojë rreth 25 milionë euro për yllin kosovar.
Kujtojmë se te Napoli luan edhe mbrojtësi i Kosovës, Amir Rrahmani. /Klankosova.tv
●●●
ASHKRIMI NGA
A
Editorial nga Klan Kosova — ndjek sport dhe zhvillimet e tjera kryesore të vendit.
