Me synim kah playoff-i, Shkëndija sonte kërkon përmbysjen ndaj Qarabagut

Sonte zhvillohen edhe ndeshjet e kthimit të raundit të tretë kualifikues në Ligën e Kampionëve. Kampionia e Maqedonisë së Veriut, Shkëndija, do të jetë mysafir sonte në Baku të Azerbajxhanit, ku do të synojë të përmbysë rezultatin e ndeshjes së parë, të cilët e humbën 0:1 ndaj Qarabagut. Nëse skuadra e Jeton Beqirit, kualifikohet në play-off, ata do të përballen me fituesin e ndeshjes Ludogorets-Ferencvaros. Ekipi nga Tetova, tashmë ka siguruar pjesëmarrjen në fazën e ligës në një nga garat evropiane të UEFA-së, minimumi në Conference League. Ndeshja Qarabag-Shkëndija, do të zhvillohet sonte në orën 18:00.