Më shumë se 450 sende personale të David Lynch dalin në ankand

Kanë kaluar pothuajse pesë muaj prej vdekjes së regjisorit, David Lynch dhe tani shumë nga sendet e tij personale do të dalin në ankand. Shtëpia e ankandeve Julien's dhe Turner Classic Movies (TCM) kanë njoftuar ankandin e Koleksionit të David Lynch, i cili përfshin më shumë se 450 sende personale, duke përfshirë koleksionin e vinileve të Lynch, libra, skenarë, piktura, instrumente dhe objekte të çmuara koleksionimi nga filmat e tij, transmeton Klankosova.tv Në ankand përfshihen edhe disa nga mjetet dhe aksesorët e tyre të përpunimit të drurit. "Julien's dhe TCM janë të nderuar që përfaqësojnë dhe i ofrojnë publikut për herë të parë këtë koleksion të pabesueshëm nga një prej regjisorëve më të mëdhenj dhe më të nderuar të të gjitha kohërave, David Lynch", tha Catherine Williamson, drejtoreshë e Julien's Auctions.