Me pesë gola, Parisi e shkruan kapitullin e artë në Champions ndaj Interit (VIDEO)

Paris Saint-Germain e ka fituar për herë të parë Champions League, pas triumfit ndaj Interit me rezultat të thellë prej 5-0. Parisienët e hapën serinë e golave që në minutën e 12-të të takimit, ku Hakimi realizoi gol të bukur pas një asistimi nga Doue. E ishte pikërisht Doue ai që realizoi vetë tetë minuta më vonë, duke shfrytëzuar një asistim nga Demebele, njofton Klankosova.tv. Pjesa e parë u mbyll me rezultat 2-0, e që në të dytën, PSG-ja shënoi edhe tri herë të tjera. Pas një ore lojë, ishte sërish Doue ai që trefishoi epërsinë, kurse pas vetëm 10 minutash, Kvaratskhelia e shënoi golin e katër në takim. Kurse, për rezultatin përfundimtar u përkujdes 18-vjeçari, Mayulu, i cili realizoi për 5-0 në “Allianz Arena”.

---

90:00 - PSG është shpallur kampion në Champions League pas fitores prej 5-0 ndaj Interit. 85’ Kanë mbetur edhe pesë minuta lojë e rregullt në “Allianz Arena”, ku krejt çfarë mungon është vërshëllima e fundit e gjyqtarit që Parisi të shpallet kampion, pasi po udhëheq 4-0 nda Interit. 74’ Paris Saint-Germain e ka shënuar edhe golin e katërt në finalen e Champions League ndaj Interit. Kvaratskhelia shënoi për golin e katërt, ku ekipi i tij është vetëm 15 minuta larg që për herë të parë ta fitojë trofeun e Championsit. 70’ Trajneri i Interit, Simone Inzaghi, e ka bërë zëvendësimin e fundit në finalen e Championsit, ku u largua Calhanoglu e në vend të tij u inkuadrua lojtari kuqezi, Kristijan Asllani. 64' Parisi e ka trefishuar epërsinë ndaj Interit në finalen e Champions League. Doue e shënoi golin e tij të dytë personal në këtë ballafaqim, duke i dhënë goditje fatale Interit. 55’ Kanë kaluar 55 minuta lojë në “Allianz Arena”, ku Parisi po vazhdon ta ketë epërsinë prej dy golave nga pjesa e parë, teksa Interi akoma nuk po arrin që ta gjejë rrugën e rrjetës. 46’ Ka nisur pjesa e dytë e finales së Champions League, ku Interi do të kërkojë këndelljen pas dy golave të pranuara, ndërsa Parisi do të kërkojë mbajtjen e epërsisë dhe triumfin për herë të parë në garën më të madhe në Evropë. 45:00 – Ka përfunduar pjesa e parë e finales së Champions League në mes Parisit dhe Interit. Në këto 45 minuta, ishte Parisi ai që dominoi në fushë dhe me gola, ku të parin e shënoi në minutën e 13-të me anë të Hakimit, kurse Doue e dyfishoi atë pas shtatë minutash. Në anën tjetër, Interi nuk ka arritur që të bënte diçka konkrete. 36’ Interi e ka rrezikuar portën e PSG-së 9 minuta para fundit të pjesës së parë. Ishte Thuram ai që u shkëput në ajër, por goditja e tij me kokë shkoi jashtë portës. 30’ Kanë kaluar gjysmë ore lojë në finale të Championsit. Parisi po vazhdon ta ketë epërsinë prej 2-0 ndaj Interit, ku këta të fundit nuk po arrijnë të krijojnë raste të mira për t’iu kundërpërgjigjur sulmeve parisiene. 20’ PSG-ja e ka dyfishuar epërsinë në finale të Champions League ndaj Interit. Për shtatë minuta, parisienët shënuan dy herë, ku golin e dytë e shënoi Doue, teksa të parin, Hakim.

??? GOAL | PSG 2-0 Inter | Désiré Doué

DESIRE DOUE DOUBLES THE LEAD FOR PSG !!!!!!!!!!!!!!!!!!!!!!!!!!!!!!!!!!!!!!!!!pic.twitter.com/tTlK6H6Iu6 — Tekkers Foot (@tekkersfoot) May 31, 2025

13’ Gati pas një çereku ore lojë, Parisi ka kaluar në epërsi ndaj Interit. Ishte Hakimi ai që realizoi gol të bukur për t’ia dhënë epërsinë PSG-së dhe për ta zhbllokuar finalen e madhe.

If PSG scores another goal against Inter tonight, I'll give 100$ to everyone who likes this tweet. #PsgInter #PSGINT #UCLfinal pic.twitter.com/3IfZ8eAgte

— ° (@_2BLEA__) May 31, 2025

5’ Po luhet minuta e pestë, ku skuadrat po e testojnë njëra-tjetrën, pa krijuar ndonjë rast konkret. 1’ Të parët që luajnë me topin janë parisienët, por që për 'fair-play', topi iu dhurua "Nerazzurëve". [caption id="attachment_2590216" align="alignnone" width="760"] Pamje para takimit të finales së Champions League.[/caption]