Më në fund DiCaprio merr një Oscar

Leonardo DiCaprio, pas gjashtë nominimeve ka marrë çmimin Oscar për aktorin më të mirë, për performancën e tij në filmin “The Revenant”, me regji të Alejandro G. Iñárritu.

DiCaprio është aktori që më së shumti është përfolur para se ceremonia e ndarjes së çmimeve Oscar të fillonte këtë të dielë në Los Angeles.

Kur ai doli në skenën e madhe për të pranuar çmimin, u duartrokit shumë nga kolegët e tuj, të cilët u ngritën edhe në këmbë.

Gjatë fjalimit të tij, DiCaprio në veçanti shprehu falënderime për aktorin që ka rolin dytësor në film, Tom Hardy’n, duke e quajtur edhe vëlla.

Ky është çmimi i parë Oscar, mirëpo DiCaprio fitoi Golden Globe dhe BAFTA paraprakisht, për po të njëjtin film.

Filmi The Revenant, që është nominuar për 12-të kategori të çmime në Oscar, tregon historinë e një gjahtari të quajtur Hugh Glass që luhet nga DiCaprio, që mbijeton në botën e egër pas braktisjes nga ekipi i tij.

Në vitin 1993 ai ishte nominuar për rol në filmin “What’s Eating Gilbert Grape, në itin 2005 me The Aviator, në vitin 2007 me filmin Blood Diamond, në vitin 2014 u pat nominuar për interpretimin e tij në rolin The Wolf of Wall Street dhe çmimin e fitoi me filmin “The Revenant”. /klankosova.tv