Baleti Kombëtar i Kosovës me “Carmina Burana” në Itali

Baleti Kombëtar i Kosovës, do të prezantohet në dy qytete të Italisë me kantatën skenike “Carmina Burana”, me koreografi nga Toni Candeloro. Më 29 nëntor 2025 trupa e Baletit Kombëtar paraqitet në Venecia, me ftesë nga festivali prestigjioz “VeneziainDanza”, ndërsa më 1 dhjetor në Potenza të Italisë. E realizuar në bashkëpunim me Filharmoninë e Kosovës dhe Operën e Kosovës, kjo vepër përfaqëson një nga projektet më ambicioze të Baletit Kombëtar, duke bashkuar fuqinë e muzikës korale me ekspresivitetin e vallëzimit modern. Premiera e “Carmina Burana” u dha në qershor të këtij viti në Prishtinë./Klankosova.tv