Duke filluar nga sot, e deri me datë 31 gusht Drejtoria për Shëndetësi dhe Mirëqenie Sociale e komunës së Prishtinës, do të fillojë me fazën e katërt të dezinsektimit hapësinor.
Komuna e Prishtinës bën me dije se njëjtë si edhe në fazat e mëparshme, edhe kësaj radhe do të dezinsektohen mbi 6.000 hektarë, duke përfshirë edhe zona rurale ku ka potencial të lartë të zhvillimit të insekteve.
Dezinsektimi do të bëhet çdo ditë duke filluar nga ora 19:30 deri në orën 24:00, sipas datave të mëposhtme nëpër lagjet e caktuara:
26.08.2015 - Aktash, Lagjja e Muhaxherëve, Parkun i Qytetit ,Vellushë (Blloqet), Qendra e Qytetit dhe Qyteza Pejton;
27.08.2015 - Arbëria,Tophanja, Kodra e Trimave, Vreshtat dhe Kolovica
28.08.2015- Lakrishte, Dardani, Ulpianë, Vetërnik, Zona Industriale dhe Kazerma Adem Jashari;
29.08.2015- Bregu i Diellit, Lagjja e Spitalit dhe Kalabria;
30.08.2015 - Taslixhe, Velani, Mat, Sofali , Taukbashçe dhe Gërmi;
31.08.2015 - Bërnicë, Besi, Barilevë, Hajvali dhe Mramur
"Luten të gjithë qytetarët për bashkëpunim në mënyrë që ky aktivitet të jetë sa më i suksesshëm. Gjatë kohës së dezinsektimit, qytetarët duhet t’i mbajnë dritaret e mbyllura, që mos të futen insektet brenda si dhe së paku për një orë të kufizojnë daljet nëpër hapësirat ku është duke u kryer dezinfektimi”, thuhet në njoftimin e komunës.
●●●
SZSHKRIMI NGA
Sh Z
Editorial nga Klan Kosova — ndjek uncategorized dhe zhvillimet e tjera kryesore të vendit.
