Mbi dy mijë oficerë policorë janë angazhuar për ndeshjen finale të Ligës së Kampionëve

Më shumë se dy mijë oficerë policorë janë vendosur në të gjithë Londrën, duke përfshirë më shumë se 400 nga jashtë kryeqytetit, për të kontrolluar finalen e Ligës së Kampionëve, një protestë nga aktivisti i ekstremit të djathtë Tommy Robinson dhe një kundër-demonstratë. Finalja mes Borussia Dortmundit dhe Real Madridit zhvillohet në Wembley të shtunën në mbrëmje. Dhe, më herët, një protestë e organizuar nga Stephen Yaxley-Lennon, i njohur më shumë si Tommy Robinson, u nis nga zona e Victorias të shtunën, duke përfunduar në Sheshin e Parlamentit ku u mbajtën fjalimet, transmeton Klankosova.tv. Policia paralajmëroi se në mesin e atyre që pritej të merrnin pjesë në ngjarje ishin grupe nga e gjithë Mbretëria e Bashkuar "të lidhur me çrregullimin e futbollit".