Mbappe: Kam kaluar nëpër çdo fazë të Ligës së Kampionëve, përveç fitores

Kylian Mbappe në konferencën për shtyp në kuadër të Ligës së Kombeve foli edhe një herë për fitoren emocionuese të PSG-së ndaj Interit në Ligën e Kampionëve. Sulmuesi 26-vjeçar tha se e kishte parë ndeshjen, dhe se ishte i lumtur për fitoren e ish-ekipit të tij. "Isha i lumtur sepse mendoj se e meritonin. Isha pjesë e atyre viteve kur u përballëm me vështirësi. Kam kaluar nëpër çdo fazë të Ligës së Kampionëve përveç fitores, kështu që e di saktësisht se çfarë do të thotë”. Mbappe duartrokiti fitoren e thellë 5-0 të ekipit në finale, duke nënvizuar se sa i jashtëzakonshëm është një triumf i tillë në Champions. "Nga një perspektivë e pastër futbolli, ata ishin ekipi më i mirë në Evropë. Të shënosh pesë gola në një finale të madhe është diçka që nuk mbaj mend ta kem parë më parë. Titulli i tyre është 100% i merituar”, u shpreh Mbappe. /Klankosova.tv