Mbappe ankohet për kalendarin: "Nuk jemi gati për mbi 60 ndeshje në sezon"

Superylli i Real Madridit, Kylian Mbappe, ka shprehur mbështetjen e tij për më shumë pushim për futbollistët, ndërsa debati mbi kalendarin e futbollit vazhdon të përplasë lojtarët me organet drejtuese. Gjatë dekadës së fundit, Superkupa e Spanjës, Nations League dhe Champions League kanë shtuar ndeshje ekstra në kalendar. Ky trend pritet të vazhdojë, pasi Kupa e Botës vitin e ardhshëm do të rrisë numrin e skuadrave me 50%, dhe në vitin 2030 do të dyfishohet, megjithëse edicioni i vitit 2026 do të bëjë që fituesi të luajë vetëm një ndeshje më shumë në total, transmeton Klankosova.tv. “Unë nuk e di nëse jemi gati të luajmë një sezon me 60 ndeshje. Nga përvoja ime në futboll, unë shikoj shumë ndeshje dhe nuk mbaj mend të kem parë ndonjë lojtar të ketë luajtur më shumë se 60 ndeshje në nivelin më të lartë. Gjithmonë ka një nivel bazë që mbetet. Kam parë lojtarë të konsideruar më të mirët në histori, të tjerë pak më pak të mirë, por kurrë askënd që të luajë 60 ndeshje në nivelin më të lartë. Gjithmonë do të ketë ndeshje ku performon pak më dobët.” Gjatë verës, Real Madridi mori pjesë në Kupën e Botës për Klube, ku fitoi pak më shumë se 70 milionë euro, por i shtoi edhe gjashtë ndeshje të tjera ngarkesës së tyre dhe si rezultat, periudha e tyre përgatitore u shkurtua në vetëm 19 ditë. Mbappe e ka nisur për mrekulli sezonin e ri në La Liga duke shënuar 3 gola në 3 ndeshje.