Massive Attack heq muzikën nga Spotify, proteston ndaj investimeve në inteligjencë artificiale ushtarake

Grupi i njohur muzikor Massive Attack ka hequr të gjithë katalogun e vet nga Spotify, në shenjë proteste ndaj investimit të themeluesit të platformës, Daniel Ek, në një kompani që zhvillon inteligjencë artificiale për përdorim ushtarak. Lajmi u bë i ditur të premten, ndërkohë që grupi njoftoi gjithashtu pjesëmarrjen në nismën "No Music for Genocide". Sipas mediave britanike, Ek përmes fondit të tij të kapitalit investues, Prima Materia, ka financuar me 600 milionë euro kompaninë Helsing, e cila zhvillon softuerë që analizojnë të dhëna nga fushëbetejat në kohë reale dhe prodhon gjithashtu dronin ushtarak HX-2. Vetë Daniel Ek mban edhe postin e kryetarit të bordit të Helsing. Massive Attack është grupi i parë i madh me kontratë në një produksion të njohur që reagon publikisht ndaj lidhjeve të Spotify me industrinë e mbrojtjes, duke rritur presionin mbi platformën më të madhe të muzikës në botë.