Marmullakaj: Vendimet sanksionuese të KPM-së ishin të jashtëligjshme (VIDEO)

Hulumtuesi në Institutin e Kosovës për Drejtësi, Qemajl Marmullakaj, ka ngritur shqetësime lidhur me sanksionet e shqiptuara nga KPM-ja ndaj mediave në Kosovë.

Duke folur në emisionin “Rubikon” në Klan Kosova, Marmullakaj tha se këto vendime kanë qenë të jashtëligjshme, bazuar në monitorimin dhe analizën që ka bërë IKD-ja.

Rekomandimet e dhëna janë dhënë nga një mekanizëm i cili është kundërligjshëm në atë pozitë. Ka pasur një thyerje të zinxhirit të procesit të vendimmarrjes dhe komisioni ka marrë vendime jashtë afateve kohore të parapara me rregullore", tha Marmullakaj në Klan Kosova.

"Nga kjo periudhë që e potencova që e monitorojmë punën e KPM-së, ne e kemi ndihmuar KPM-në në hartimin e akteve nënligjore me theks të veçantë tek rregullorja 2024/03, për përgjegjësinë e operatorëve medialë gjatë periudhës së zgjedhjeve. Dhe përkitazi me këtë, kemi ardhur në konkludim se vendimet janë të jashtëligjshme si të tilla", shtoi ai.