Man Utd e Juventus sigurojnë nga tri pikë në grupin H

Manchester United e Juventus kanë arritur të shënojnë fitore në ndeshjet e para të Ligës së Kampionëve për këtë stinor. Man United mposhti Young Boys me rezultat 3 me 0. Paul Pogba shënoi dy herë për djajtë e kuqë në pjesën e parë dhe Anthony Martial vulosi fitoren e anglezëve. Në anën tjetër, Juventus fitoi 2:0 si mysafire ndaj Valencias. Edhe pse pa Ronaldon që u ndëshkua me karton të kuq në minutën e 29-të, Zonja e Vjetër shënoi dy herë me anë të Miralem Pjaniq. Man United kryeson në grup me pikë të barabarta me Juventus, ndërsa Valencia e Young Boys nuk kanë pikë.