Lajmet e fundit
Të marten policia e ka arrestuar një person në Malishevë.
I njëjti dyshohet se ia ka vjedhur babait të tij 10 mijë euro.
Rasti është konfirmuar për Klankosova.tv nga policia e Kosovës.
"Është arrestuar i dyshuari mashkull kosovar, pasi që i njëjti me datën e lartcekur babait të tij viktimës mashkull kosovar i kishte vjedhur një shumë të konsiderueshme parash. Me vendim të prokurorit i dyshuari është dërguar në mbajtje", tha zëdhënësi i policisë për rajonin e Gjakovës Sheremet Elezaj.
I riu është ndaluar për 48 orë dhe prokurori i shtetit e ka iniciuar rastin si "Vjedhje e rëndë".
Në disa media është raportuar se i dyshuari ishte zhdukur për disa ditë dhe policia e kishte gjetur atë tek një vilë.
