Portieri i Azerbajxhanit, Yusif Imanov, është përforcimi më i ri i Malishevës.
“FC Malisheva njofton se ka arritur marrëveshje për transferimin e portjerit të kombëtares së Azerbajxhanit, Yusif Imanov”, thuhet në njoftimin e Malishevës në Facebook.
“Reprezentuesi i Azerbajxhanit transferohet nga Sabah FK, aty ku u paraqit me mjaft sukses në kampionatin nacional të Azerbajxhanit, si dhe në garat europiane poashtu”.
22-vjeçari shihet si pjesë e një projekti afatgjatë të klubit malishevas.
“Imanov është 22 vjeçar, ka cilësi dhe potencial, andaj besojmë se i kemi dhënë edhe më shumë siguri portës sonë, bashkë me portjerët që kemi!”.
“Ky është një tjetër hap drejt ndërtimit të projektit afatgjatë, stabil dhe me objektiva të qarta".
●●●
LSHKRIMI NGA
L
Editorial nga Klan Kosova — ndjek sport dhe zhvillimet e tjera kryesore të vendit.
