Malisheva i jep leksion Ballkanit, Drita "fluturon" drejt titullit

Ndëshkimi me karton të kuq, që në minutën e 13-të, i trajnerit Bekim Isufi, duket e se motivoi edhe më shumë Malishevën. Pa kaluar as 10 minuta nga ky episod, Arlind Veliu shënoi gol të bukur në portën e Ballkanit. Këta të fundit arritën të kthehen në lojë përkohësisht, kur Gerald Smajli plasoi një goditje nga distanca, nga e cila topi përfundoi në rrjetë, njofton Klankosova.tv. 1-1 u mbyll pjesa e parë, gjatë së cilës kampionët e Kosovës, shpërdoruan raste të sigurta për gol. Leksione se si nuk duhet të gabohet nga pozitat e volitshme, dha Malisheva. Në mundësitë që i kishin gjatë pjesës së dytë, vendasit e ndëshkuan Ballkanin, duke realizuar dy herë. Fillimisht rikthyen epërsinë me anë të Drilon Hazrollajt, në minutën 70-të, kurse krejt ndeshjen e 'mbyti' Altin Aliu, me golin e realizuar në minutat shtesë, raporton Klankosova.tv Paraprakisht, Bernard Karrica, që hyri në lojë në pjesën e dytë, u ndëshkua me karton të kuq dhe la Ballkanin me një lojtar më pak. Në duelin tjetër të kësaj xhiro, Drita e mundi 2-0 Ferizajn dhe me 50 pikë të grumbulluara në 22 xhiro, e udhëheq bindshëm renditjen tabelare. Albert Dabiqaj e zhbllokoi rezultatin në minutën e 57-të, kurse Veton Tusha i dha vulë diskutimit për fituesin, 13 minuta më vonë. Ballkani është i dyti që ka ngelur prapa 11 pikë, kurse Malisheva pas kësaj fitore të sotme, i afrohet suharekasëve në vetëm dy pikë.