Malisheva e ka përnjëmend, përmbys Suharekën dhe vazhdon kryesimin

Malishevës nuk njeh kundërshtar. Skuadra e udhëhequr nga Bekim Isufi e ka përmbysur Suharekën, për ta vazhduar kryesimin e renditjes tabelare në elitën futbollistike në Kosovë, raporton Klankosova.tv. Vendasit e mbyllën pjesën e parë në epërsi, pasi Mevlan Zeka shënoi që në minutën e tetë. Megjithatë mysafirët me të filluar fraksioni i dytë, shpërthyen në stadiumin e qytetit të Suharekës, duke realizuar plot tri herë. Fillimisht rezultati u barazua nga Arlind Veliu në minutën e 58, kurse avantazhin skuadrës së tij ia dha Fatjon Bunjaku, pesë minuta më vonë. Vulën e 3 pikëve të reja, e vendosi goli i Drilon Hazrollaj nga penalltia, tetë minuta para se të përfundonte koha e rregullt, njofton Klankosova.tv. Pas këtij triumfi, Malisheva udhëheq renditjen tabelare me 17 pikë, 3 më shumë se sa përcjellësit, Ballkani e Llapi që kanë grumbulluar nga 14 sosh. [caption id="attachment_2389301" align="alignnone" width="200"] Renditja tabelare pas tetë xhirove në Superligë
Foto: FFK[/caption]