Emisionin e parë për këtë vit në “Ora e Pasdites” e nisim me këngëtarin Mal Retkoceri.
Mali është fituesi i Festivalit të Këngës në Radio Televizionin Shqiptar. Ai u bë personi më i intervistuar ditëve të fundit, pasi kënga me të cilin fitoi në festival ishte edhe e para e tij.
Për këngën, për emocionet e fitores, dhe për planet në të ardhmen, ai foli në detaje në këtë intervistë.
“Shumë kam qenë në dilemë a me apliku a jo, kam pas raste që kam qenë shumë me vetëbesim ‘po aplikoj’, këngën e kam shumë të mirë gjithqysh ka me u pranu, tani mbas 5 minutave ‘s’ka shans me u pranu’. Ka qenë mix i ndjenjave po prapë i’a kom dalë diqysh që me bind veten që të aplikoj, çka mundet me ndodh ma e keqja mos me u ftu hiç, amo ke e kundërta, e kanë shiku emailin, ju ka pëlqy edhe në fund fitova”, deklaroi Mali.
Në diskutim e sipër, moderatorja e emisionit Njomza e pyeti pse zgjodhi ta titullonte këngën “Çmendur”.
“Ju ka përshtat temës, eksperiencës, tregimit që e kom tregu, interpretu. Është një përqindje e vogël e tregimit të ngjarjes së nanës tem që i ka ndodh gjatë jetës së saj. Sillet rreth fjalës ‘çmendur’ që domethënë se njerëzit munden me qëndru me disa persona që janë kontrollues, persona që përdorin për përfitimet e tyre personale, edhe me kohë këto sende nuk i vëren por dikur e vëren që koke çmendur”, shtoi ai.
Për ta shikuar intervistën e plotë të Malit, klikoni më poshtë:
https://www.youtube.com/watch?v=LJ0QJZErQRc
●●●
ASHKRIMI NGA
A
Editorial nga Klan Kosova — ndjek kulturë dhe zhvillimet e tjera kryesore të vendit.
