Platforma më e madhe në trojet shqiptare,
Artmotion, nga kjo e premte do të sjellë para ekraneve tuaja magjinë e Kupës së Gjermanisë dhe asaj të Italisë.
Super spektakli i Kupës së Gjermanisë nis të premten nga ora 18:00 me ndeshjen mes Sonnehofit dhe Bayer Leverkusenit, të cilin mund ta ndiqni në Sport 3.
Kurse ballafaqimi hapës i Kupës së Italisë do të jetë ai në mes Empolit dhe Regiannas, po ashtu nga ora 18:00 e që do të transmetohet direkt në Sport 2.
Ndërsa të shtunën, ballafaqimi më interesant në kuadër të Kupës së Gjermanisë do të jetë ai në ms Leipzigut dhe Sandhausen, që nis nga ora 15:30 dhe transmetohet ekskluzivisht në Sport 3, njofton Klankosova.tv.
E, po të shtunën, duel mjaft interesant do të jetë edhe ai në mes Cagliarit dhe Entellas, që nis nga ora 20:45 e të cilin mund ta ndiqni në Sport 3.
E diela është e rezervuar për kuqezinjtë e Milanit, të cilët në “San Siro” e presin Barin nga ora 21:15, duel ky që transmetohet ekskluzivisht në Sport 2.
Për ditën e fundit të javës, Kupa e Gjermanisë përballjen më interesante do ta ketë në mes Regensburgut dhe Kolnit, duel ky që nis nga ora 15:30 dhe transmetohet në Sport 4.
Kurse e hëna i takon Borussia Dortmundit, të cilët do të udhëtojnë tek Rot-Weiss për ndeshjen e parë të Kupës së Gjermanisë e cila nis nga ora 20:45 dhe transmetohet në Sport 3.
Në kuadër të Kupës së Italisë, të hënën do të luhen dy ndeshje, ajo mes Spezias dhe Sampdorias me fillim nga ora 18:30 e që transmetohet në Sport 2 dhe Torino – Modena, nga ora 21:15 që po ashtu transmetohet në Sport 2.
