Macroni është Kasandra e ditëve moderne – i dënuar të ketë të drejtë

Nëse është e drejtë që Emmanuel Macron të quhet Kasandra e ditëve moderne, vetëm koha do të tregojë. Priftëresha origjinale trojane që bartte atë emër ishte e dënuar të parashikonte fatkeqësi, por kurrë nuk do të besohej. A do të jetë ky fati i presidentit francez pas paralajmërimit të tij këtë javë se Perëndimi mund të duhet të ndërhyjë për të shpëtuar Ukrainën, nëse Rusia bën një përparim ushtarak? Raportohet se Macron se ua ka treguar hartat liderëve të partive opozitare franceze të fushëbetejave aktuale në Ukrainë për t'u ilustruar atyre pikat e përparimit të mundshëm rus. Me këtë veprim ai ka thënë se “nuk duhet të ketë më vija të kuqe” në përfshirjen e Francës, madje duke lënë të kuptohet – si pasojë – se çizmet perëndimore mund të duhet të shkojnë në terren. A e ka mbivlerësuar ai rastin e tij, ndoshta për arsye politike të brendshme? Është saktësisht një kthesë e jashtëzakonshme nga pozicioni i hershëm i Macronit mbi luftën. Ai tani duket se po thotë atë që dikur konsiderohej e papërfytyrueshme. Sot, edhe Britania, kryebrohoritësja për Ukrainën që nga shkurti i vitit 2022, kundërshton çdo gjë që i ngjan një ndërhyrjeje më të drejtpërdrejtë, me Lord Cameronin që në fillim të javës kërkoi nga Evropa të frenojë luftërat në Ukrainë dhe Gaza, për t'i çuar këto kriza “në vendin më të mirë të mundshëm”, deri në kohën e zgjedhjeve presidenciale në ShBA. Nuk mund të ketë asnjë dyshim që mbështetja e Ukrainës duhet të mbetet prioriteti kryesor për vendet evropiane për ta frenuar agresionin e mëtejmë rus. Përndryshe pse Finlanda dhe Suedia do të kishin zgjedhur këtë moment në historitë e tyre për t'iu bashkuar  NATO-s? Siç qëndrojnë gjërat, nuk ka hapësirë të dukshme për një zgjidhje të negociuar të luftës në Ukrainë –  ku objektivat e deklaruara të presidentëve Putin dhe Zelensky mbeten reciprokisht të papajtueshme. Një vit më parë, vendet perëndimore vuajtën për një kohë, nëse do t'i dërgonin Ukrainës avionë F-16, tanke kryesore luftarake, raketa me rreze të gjatë veprimi dhe sasi të bollshme municionesh. Ndërkohë, rusët nuk qëndruan së koti, duke krijuar energjikisht linja të gjata dhe të thella mbrojtjeje të ndërtuara mirë. Kështu, nuk ishte befasuese që kundërofensiva e shumëpritur nga Ukraina u bë ngërçi që ekzistoi gjatë këtij dimri. Tani kur moti po ngrohet, mungesa e municioneve nga pala ukrainase i ka dhënë Rusisë një mundësi për të ecur përpara. Sipas kësaj prapavije, pozicioni i Macron është i kuptueshëm. Një nga problemet përgjatë këtij konflikti ka qenë se NATO ka qenë shumë e qartë rreth asaj që nuk do të bëjë, në vend të asaj që do të bëjë. Kjo ka lindur kryesisht nga frika e shprehur hapur se cila do të ishte përgjigja ruse nëse Perëndimi do të përshkallëzohej shumë larg. Macron ka të drejtë që përpiqet të mbërthej iniciativën strategjike nga rusët, si pjesë e teorisë së tij të "ambivalencës strategjike", edhe nëse disa do të kundërshtonin mënyrën precize të veprimit që ai ka aluduar. Sado bie në sy të jetë retorika e tij, sidoqoftë, ekziston gjithmonë rreziku që mund të rezultojë i kundërt, në të njëjtën mënyrë që rrjedhja e forcave ajrore gjermane ishte një gafë serioze. Thjesht sugjerimi se trupat perëndimore tashmë janë në Ukrainë ose mundësia që ato mund të dislokohen atje qoftë për qëllime trajnimi ose luftarake, rrezikojnë të luajnë në agjendën e Vladimir Putinit. Propaganda e brendshme e sundimtarit rus pohon se kjo luftë është shpallur nga NATO, duke detyruar mbrojtjen e Nënës Rusi nga agresioni perëndimor. Nga ana tjetër, kjo i mundëson Putinit të bëjë kërcënime bërthamore që frikësojnë evropianët që janë kundër ndërhyrjes së mëtejshme. Ajo që është e sigurt, sido që të jetë, është se ne duhet urgjentisht të rrisim mbështetjen ushtarake për Ukrainën në kuptimin e rritjes së furnizimeve të inteligjencës, armëve, municioneve dhe trajnimit. Nuk ka kohë për të humbur. Siguria e Evropës, jo vetëm e Ukrainës, është në rrezik – madje edhe vetë NATO-s. Autori i tekstit, Richard Dannat, është ish-shef i Shtabit të Përgjithshëm të forcave britanike. Teskt i botuar në The Guardian, përkthyer nga KlanKosova.tv.