Lajmet e fundit
Debati i ashpër mes presidentit amerikan, Donald Trump dhe atij ukrainas, Volodymyr Zelensky, ka bërë që të reagojë presidenti francez, Emmanuel Macron.
Macroni tha se ekziston një agresor, Rusia, dhe sipas tij, ekziston një viktimë – Ukraina.
“Ne kishim të drejtë që ndihmuam Ukrainën dhe sanksionuam Rusinë tre vjet më parë – dhe vazhduam ta bëjmë këtë”.
“Me ‘ne’, nënkuptoj amerikanët, evropianët, kanadezët, japonezët dhe shumë të tjerë”, shkroi Macron në “X”, transmeton Klankosova.tv.
Më tej, Macroni falënderoi të gjithë ata që kanë ndihmuar Ukrainën, teksa tha ka respekt për ata që kanë luftuar nga fillimi, pasi sipas tij, ukrainasit po luftojnë për dinjitetin e tyre.
“Faleminderit të gjithë atyre që kanë ndihmuar dhe vazhdojnë ta bëjnë këtë. Dhe respekt për ata që kanë luftuar që nga fillimi – sepse ata po luftojnë për dinjitetin e tyre, për pavarësinë e tyre, për fëmijët e tyre dhe për sigurinë e Evropës”, tha Macron.
