Sulmuesi belg, Romelu Lukaku, ka thënë se është i motivuar të korrë sukses në Inter këtë sezon, për shkak të "një zemërimi" pas sezonit të tij zhgënjyes 2021-22 me Chelsean.
Lukaku u rikthye në Stamford Bridge nga San Siro verën e kaluar, përmes një transferimi të suksesshëm prej 98 milionë funtesh, por nuk i shkoi ashtu siç deshi ai, duke shënuar vetëm tetë gola në Premier Ligë në 26 paraqitje, shkruan Goal, transmeton Klan Kosova.
Belgu gjithashtu e përkeqësoi marrëdhënien e tij me tifozët e Chelseat me një intervistë shpërthyese në mes të sezonit, në të cilën ai pranoi se ishte penduar që e la Interin në radhë të parë.
Në qershor, Lukaku u kthye te Nerazzurri në formë huazimi dhe tani ai synon të rimarrë formën e tij më të mirë në Serie A.
Çfarë ka thënë Lukaku për kthimin e tij nga Chelsea?
"Sezoni në Chelsea më dha një motiv shtesë për të bërë edhe më mirë se më parë. Mendoj se në një vit njerëzit kanë harruar se çfarë mund të bëj në fushë. Ky është një lloj zemërimi që kam brenda vetes," tha sulmuesi për DAZN Italia.
(143) Romelu Lukaku - All 64 Goals for Inter - YouTube
klankosova.tv
●●●
HSHKRIMI NGA
H.S
Editorial nga Klan Kosova — ndjek sport dhe zhvillimet e tjera kryesore të vendit.
