Njëra nga ndeshjet më legjendare dhe klasike në historinë e basketbollit të Kosovës u zhvillua sonte.
Peja e fitoi titullin kampion të Kosovës pasi mundi Trepçën me rezultat 91:93, dhe u deshën vazhdimet për ta vendosur fituesin.
U desh ndeshja e pestë dhe e fundit midis tyre që të dihet nëse titulli do të shkonte në Mitrovicë apo në Pejë.
Peja u duk njëherë sikur e fitoi titullin pas trepikëshit të Devoe Josephit, mirëpo Trepça nuk u dorëzua.
Sekonda më vonë, Arti Hajdari i pejanëve nuk arriti ta shënojë gjuajtjen e dytë të lirë, ndërkaq Trepça e luajti shpejt aksionin e vet pesë sekonda para fundit, ku Amin Hot u gjet i vetëm në koshin tjetër, duke e barazuar rezultatin në 77:77 dhe duke e çuar lojën në vazhdime.
Drama u përcoll edhe në vazhdime, ku rezultati ndërronte sa në një anë, sa në anën tjetër, e sa barazohej.
Mirëpo krejt në fund, Brad Waldow, arriti të shënojë në sekondin e parafundit nga një top i kthyer, duke arritur kështu t’i bëjë Shqiponjat kampione.
Drilon Hajrizi te vendësit dhe Devoe Josephi te Peja ishin pikëshënuesit më të mirë, me nga 21 sosh secili.
Përndryshe, ky është titulli i shtatë kampion i klubit pejan, dhe më zorshmi i arritur deri tash.
____________________________________________________________________
Çereku IV
Trepça e ka çuar lojën në vazhdime duke e barazuar rezultatin në 77:77 në sekondin e fundit.
https://www.youtube.com/watch?v=dUJE0bk3Gcw
https://www.youtube.com/watch?v=3j1Bmib8MwE
https://www.youtube.com/watch?v=QZqTn86rcMU
_______________________________________________________________
https://www.youtube.com/watch?v=WpK-jETOY2o
Çereku III
Peja po fiton ndaj Trepçës edhe pas çerekut të tretë, me rezultat 57:58.
Hidhen gjësende në parket, pejanët largohen nga fusha përkohësisht.
https://www.youtube.com/watch?v=mFGJ5QmVNXU
https://www.youtube.com/watch?v=-prfXA5KnRs
Çereku II
Peja po udhëheq me një epërsi të ngushtë ndaj Trepçës.
Shqiponjat kanë shkuar në avantazh me epërsi prej vetëm dy pikësh, 34:36.
Çereku I
Peja është duke fituar ndaj Trepçës në ndeshjen e pestë dhe të fundit të serisë finale të Prince Caffe Superligës në basketboll.
Pejanët kanë një epërsi të ngushtë prej katër pikësh, 17:21, dhe me të do të hyjnë në çerekun e dytë.
______________________________________________________________________________________________
Trepça dhe Peja sonte ndeshen nga ora 20:00 për ta vendosur kampionin e Kosovës në Princ Caffe Superligën në basketboll.
U desh ndeshja e pestë midis të dyja klubeve që kampioni kosovar ta ketë një emër, pasi të dyja klubet i kanë fituar nga dy përballje që i kanë zhvilluar në shtëpi.
Ndeshja do të zhvillohet na palestrën "Minatori" në Mitrovicë.
Klikoni KËTU për t’u bërë pjesë e kanalit zyrtar të Klan Kosovës në Viber.
Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
