"Luftë" e hapur në Ligën e Parë: Dinamo Ferizaj kryeson, katër skuadra në ndjekje të Superligës

​Raiffeisen Liga e Parë ka hyrë në fazën më interesante të saj, ku gara për inkuadrim në elitën e futbollit kosovar është bërë tejet e ngushtë. Pas javës së 29-të, diferencat mes pesë skuadrave të para janë minimale, duke premtuar një fund kampionati "të zjarrtë", transmeton Klankosova.tv. ​Dinamo nga Ferizaj mban fronin me 62 pikë, por nuk ka vend për komoditet. Vushtrria ndodhet vetëm dy pikë prapa, në vendin e dytë me 60 pikë, ndërsa Liria dhe Feronikeli ndajnë pozitat 3 dhe 4 me nga 59 pikë. As Vëllaznimi nuk është jashtë gare, duke u renditur i pesti me 58 pikë. ​Përderisa kreu lufton për Superligë, në fundin e tabelës po luhet një tjetër dramë. Skuadra si Besa e Pejës dhe Vjosa ndodhen në zonën e rënies me nga 28 dhe 29 pikë respektivisht. Situatë kritike paraqitet edhe për KEK-un (21 pikë) dhe Prizrenin (16 pikë), që mbyllin tabelën.