Lojë dramatike, Sigal Prishtina e mposht Trepçën veç për tre pikë epërsi

Sigal Prishtina ka arritur ta mposht Trepçën në një lojë tejet dramatike që u zhvillua në “Pallatin e Rinisë dhe të Sporteve”, në Prishtinë. “Bardhëekaltërit” triumfuan për tre pikë, me rezultat 78:75. Dy çerekët e parë iu takuan Trepçës. Derisa dy çerekët e pjesës së dytë, i takuan skuadrës vendase, që e morën kontrollin e ndeshjes. Për Prishtinën i mirë ishte Derrick Wilson me 14 pikë, pesë kërcime dhe gjashtë asistime. Më i dalluari për Trepçën ishte Drilon Hajrizi, i cili shënoi 23 pikë, pesë kërcime dhe një asistim. Prishtina pas kësaj fitore ka 44 pikë në krye të tabelës, me bilanc prej 19 fitoreve dhe gjashtë humbjeve. Trepça renditet e katërta me 40 pikë, me bilanc prej 15 fitoreve dhe 10 humbjeve/ Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.