Xhiro e 28 në elitën e futbollit mbyllet me dy duele shumë interesante dhe të shumëpritura të cilat vijnë ekskluzivisht nga Podujeva dhe Skënderaj në ekranet e platformës numër një në vend, Artmotion.
15:00 LLAPI – DRITA ART SPORT 1
Fitoren e madhe në gjysmëfinalen e Kupës së Kosovës, Llapi do të synojë që ta vazhdojë edhe me një triumf ndaj kampionëve aktual dhe njërës prej skuadrave kryesore në garën për titull, Dritës, transmeton KlanKosova.tv.
Kjo ndeshje luhet të dielën me fillim nga ora 15:00 dhe transmetohet drejtpërdrejt në Art Sport 1 e Klan Kosova.
Pas 27 javëve në elitën tonë të futbollit, Drita janë lider të kampionatit me 58 pikë në 27 duele teksa kanë formë të mirë në muajin e fundit ku kanë arritur 3 triumfe dhe dy barazime.
Nga ana tjetër, Llapi që këtë duel e luan si vendas në po aq ndeshje ka grumbulluar 33 pikë dhe akoma nuk janë stabil në tabelë, pasi rrezikojnë të luajnë në barazh.
Gjilanasit kanë arritur tre fitore në po aq duele direkte të këtij edicioni, andaj pritet me shumë interes të shihet se a do të vazhdohet kjo seri apo Llapi do të arrijë t’i thyej këtë herë.
15:00 DRENICA – PRISHTINA ART SPORT 2
Drenica me kokën lartë pas fitores në javën e fundit dhe për herë të parë jashtë zonës së rrezikshme tabelore qysh nga stinori vjeshtor, tani do të kërkojë të ndalë pikët në shtëpi edhe kundër Prishtinës që po kërkon titullin e parë pas shumë vitesh.
Kjo ndeshje luhet të dielën me fillim nga ora 15:00 dhe transmetohet live dhe ekskluzivisht në Art Sport 2.
Drenica mban pozitën e 8-të tabelore pas 27 xhirove në të cilat ka arkëtuar 30 pikë, teksa Prishtina në anën tjetër ndonëse ka bërë disa hapa fals javëve të fundit përsëri mbetet në garën për vendin e parë, kjo pasi ata janë të tretët në tabelë me 54 pikë në 27 duele.
Prishtina i ka fituar dy duele direkte me rezultat identik 3-0, por në “Bajram Aliu” fitoren e vetme këtë edicion në duele direkte e ka gjetur Drenica.
●●●
LSHKRIMI NGA
LiZe
Editorial nga Klan Kosova — ndjek sport dhe zhvillimet e tjera kryesore të vendit.
