Liverpooli rikthehet në krye të tabelës, City befasohet nga Bournemouth

Një javë pasi e lëshoi frontin në Premier Ligë, Liverpooli arriti ta rimarrë atë falë fitores ndaj Brightonit. Skuadra mysafire arriti të kalojë e para në epërsi, ndërsa u tregua e rrezikshme në disa raste, mirëpo nuk arriti t’i konkretizojë asnjërën nga to. E Liverpoolit iu deshën vetëm 3 minuta që fillimisht të barazojë rezultatin përmes Cody Gakpo në minutën 69’, e më pas Salah e kaloi skuadrën e tij në epërsi në minutën 72’. Kështu edhe përfundoi ndeshja. Ndërkaq Manchester City u mposht si mysafir i Bournemouth me rezultatin 2-1. Mysafirët ishin në epërsi të dyfishtë deri në minutën e 82-të, kur mbrojtësi Gvardiol ngushtoi epërsinë në 2-1. Ky ishte edhe rezultati përfundimtar i kësaj ndeshje. Liverpooli me këtë fitore u ngjit në krye të tabelës, i ndjekur nga City. Nga ana tjetër, Nottingham arriti fitoren e tretë radhazi, duke mposhtur bindshëm West Hamin (3-0). Kjo fitore e ngjiti Nottinghamin në pozitën e tretë në tabelë. /Klankosova.tv