Liverpooli fiton ndaj Forestit në një ndeshje që prodhoi pesë gola në pjesën e dytë

Liverpooli ka shënuar fitore ndaj Nottingham Forestit, me rezultat 3-2, në kuadër të xhiros së 32-të në Premier League. Pjesa e parë u mbyll pa gola ani se pati raste nga dy anët. Pjesa e dytë ishte komplet ndryshe, pasi u shënuan pesë gola. Fillimisht kaloi në epërsi Liverpooli me anë të Diogo Jotas në minutën e 47’. Vetëm katër minuta më vonë Neco Williams barazoi shifrat 1-1. Ishte edhe njëherë Jota në minutën e 55’ për ta kaluar ekipin e tij në epërsi. Foresti u kthye sërish në lojë me anë të Morgan Gibbs-White, i cili realizoi një gol të bukur, në minutën e 67’. Goli i fundit dhe që qëlloi përcaktues në fitoren e Liverpoolit ishte i Mohamed Salah, në minutën e 70’, pas një asistimi nga Trent Alexander-Arnold. Liverpooli pas fitores kalon në vendin e gjashtë me 50 pikë, pas 31 ndeshjeve. /Klankosova.tv.