Lista kontrolluese e çdo vakti të ushqimit për të shmangur rrezikun nga diabeti i tipit 2

Pasi një person diagnostikohet me diabet, ai duhet të ketë kujdes në mënyrën se si ushqehet. Çdo gjë që hani, veçanërisht ato që përmbajnë karbohidrate, rrit nivelin e sheqerit në gjak dhe mund të qëndrojë më i lartë edhe disa orë pas vaktit tuaj. Dr.Nicola Guess, një dietologe  e specializuar në diabetin tha se sheqeri në gjak duhet të mbahet brenda një intervali të shëndetshëm, shkruan The Sun, transmeton Klankosova.tv. “Sheqeri në gjak duhet të mbahet brenda një intervali të shëndetshëm që trupi të funksionojë në mënyrë optimale. Trupi ka një sërë mënyrash për të rregulluar sheqerin në gjak, ai prodhon insulinë nga pankreasi për të ulur sheqerin në gjak, kryesisht duke nxitur marrjen e glukozës në muskuj”, u shpreh ajo. Sheqeri në gjak mund të rritet shumë s dhe të shkaktojë koma dhe madje edhe vdekje, e kjo është arsyeja pse terapia me insulinë është thelbësore në llojin 1 të diabetit. Në llojin 2 është pak më e komplikuar, sepse pankreasi nuk mund të prodhojë aq shumë insulinë sa më parë dhe indet bëhen rezistente ndaj efekteve të insulinës. Për disa njerëz me këtë gjendje, një rritje e sheqerit në gjak mund të shkaktojë ndjenja marramendjeje, lodhjeje dhe etje.