Lihet në burg 44-vjeçari në Durrës për tentim dhunimi të vajzës së tij 14-vjeçe

Gjykata e Durrësit ka lënë në qeli 44-vjeçarin që akuzohet për tentativë përdhunimi ndaj së bijës së tij 14-vjeçare. Gëzim Ceku u arrestua nga policia për “dhunë në familje” dhe “marrëdhënie seksuale me të mitur mbetur në tentativë”. Sipas “Klan News”, ngjarja ndodhi të shtunën e kaluar në lagjen 15 në Durrës, ku familja ishte vendosur prej pak kohësh dhe jetonte me qira. I arrestuari u denoncua nga bashkëshortja për dhunë verbale, emocionale dhe për tentativë marrëdhëniesh seksuale me të bijën adoleshente, pasi e kishte nxjerrë atë nga banesa. Pas arrestimit, 44-vjeçari ka mohuar akuzën për akte të turpshme ndaj së bijës dhe ka deklaruar se një akuzë e tillë është një kurth ndaj tij për ta larguar nga shtëpia. Ndaj të akuzuarit nuk ka pasur më parë denoncime për dhunë në familje. /Klankosova.tv