Letonia, anëtare e NATO-s, thërret një takim urgjent

Qeveria Letoneze ka thirrur një takim urgjent për të vlerësuar situatën e sigurisë pas shpërthimit në Poloni, tha kryeministri Krisjanis Karins. “Kam thirrur një mbledhje urgjente të qeverisë për të dëgjuar raportet e ministrive dhe institucioneve përgjegjëse për situatën e sigurisë në rajon dhe për të qenë gati për veprime të mëtejshme”, shkroi ai në Twitter, shkruan Aljazeera, transmeton Klankosova.tv. Takimi është caktuar për të mërkurën në orën 08:00 të mëngjesit. Letonia dhe aleatët e saj të NATO-s janë të gatshëm për çdo situatë për të mbrojtur qytetarët dhe territoret e tyre, shtoi Karins.