Lëndohet një zjarrfikës në Rahovec gjatë shuarjes së zjarrit në një pyll

Është lënduar një zjarrfikës në fshatin Zatriq të Rahovecit, teksa po shuante zjarrin në pyllin e fshatit.

Zjarrfikësi është duke u trajtuar në spitalin e Gjakovës, ndërkaq raportohet se pyllit i është vënë zjarri nga disa persona të panjohur, përcjell Klankosova.tv.

"Raportohet se nga persona të pa njohur i është vënë zjarri pyllit të fshatit. Zjarrfikësit kanë shuar zjarrin. Gjatë tentimit për shuarjen e zjarrit, një zjarrfikës ka pësuar lëndime dhe është duke u trajtuar në Spitalin e Gjakovës. Nuk dihet vlera e dëmit të shkaktuar. Rasti është duke u hetuar", thuhet në raportin e policisë.