Lekndreaj, MVP i javës

Sfida interesante u zhvilluan në xhiron e 24-t të Prince Caffe Superligës. Bashkimi derbin e qytetit ndaj Ponte Prizrenit, ku dukshëm më i dalluari ishte Daniel Lekndreaj me 21 pikë, 14 kërcime dhe pesë asistime, ndërsa shtoi edhe tre topa të vjedhur dhe një bllokadë. Lekndreaj kishte indeksin e ndeshjes 40 apo më të lartin e kësaj xhiro dhe njërin nga më të lartit në këtë kampionat. Kjo nuk është hera e parë që basketbollisti shqiptar shpallet MVP në këtë edicion. Trepça ka vazhduar me fitore, ku kësaj radhe mundi Rahovecin, ndërsa më i miri ishte Drilon Hajrizi me 15 pikë, 5 kërcime dhe 4 asistime. Sigal Prishtina realizoi fitore bindëse kundër Vëllaznimit në Gjakovë, ku u dalluan Nate Grimes me 17 pikë, gjashtë kërcime dhe dy asistime, ndërsa u ndihmua nga Jan Palokaj me 9 pikë, 11 kërcime e 6 gjashtë asistime. Peja triumfoi në derbin e kësaj xhiro ndaj Golden Eagle Yllit, ku u dallua Arian Qallaku me 18 pikë e 7 kërcime. Top 5 Daniel Lekndreaj (Bashkimi) 21 pikë, 14 kërcime, 5 asistime Drilon Hajrizi (Trepça) 15 pikë, 5 kërcime, 4 asistime Nate Grimes (Sigal Prishtina) 17 pikë, 6 kërcime, 2 asistime Jan Palokaj (Sigal Prishtina) 9 pikë, 11 kërcime, 6 asistime Arian Qallaku (Peja) 18 pikë, 7 kërcime