Lazio “trondit” Napolin në “Maradona”, rihapet gara për Champions

Lazio ka marrë një fitore shumë të rëndësishme në udhëtim, duke mposhtur NapoliN me rezultat 0-2 në stadiumin “Diego Armando Maradona”. Golët për skuadrën nga Roma u shënuan nga Matteo Cancelieri dhe Toma Basic, të cilët i siguruan tri pikë të arta Lazios në një transfertë të vështirë, me atë që Mattia Zaccagni e huqi penalltinë. Kjo nuk është hera e parë që Lazio i hap probleme Napolit në vitet e fundit në Serie A, duke konfirmuar kompleksin që skuadra napolitane ka ndaj kryeqytetasve. Humbja mund t’i kushtojë shumë Napolit në garën për një vend në UEFA Champions League, pasi rrezikon të humbasë pozicionin nëse Roma dhe Juventus arrijnë rezultate pozitive në ndeshjet e tyre. Në xhiron e ardhshme, Napoli do të kërkojë reagimin ndaj Cremonese në shtëpi, ndërsa Lazio do të luajë para tifozëve të saj kundër Udineses.